Parlamenti Evropian hapi një procedurë mbi kërkesën e autoriteteve belge për heqjen e imuniteteve të pesë eurodeputetëve, përfshirë ish-kryetarin e Kuvendit Popullor Nikolla Minçev nga “Rinovo Evropën”, njoftoi BTA. Kërkesa lidhet me një hetim mbi dyshimet për korrupsion, pasi autoritetet belge filluan hetimin e të dhënave, se kompania kineze “Huawei” u kishte dhënë dhurata eurodeputetëve për të fituar ndikim. Eurodeputeti bullgar i tha korrespondentes së BNR-së, Angelina Piskova, se ai vetë do t'i kërkojë Parlamentit Evropian heqjen e imunitetit të tij. Ai u përfshi në skandal për shkak se ish-asistenti i tij Adam Muhtar, i cili aktualisht është nën hetim për lidhje me kompaninë, e çoi në një ndeshje futbolli, ku qëndroi së bashku me përfaqësuesit e kompanisë kineze. Minçev mori siguri nga Muhtar se të dy ishin ftuar nga një mik dhe fqinj i tij, fëmija i të cilit feston ditëlindjen. “Nuk kam të bëj fare me ndonjë aktivitet të paligjshëm të këtyre njerëzve, as nuk kam pse të shqetësohem”, tha eurodeputeti, i cituar nga BTA.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: BTA
Gjyqtarët u shprehën kundër instalimit të një agjenti të ri antivirus në kompjuterët e tyre. Magjistratët shprehin shqetësim se ai do të shkelë të gjitha rregullat për mbrojtjen e të dhënave personale, si dhe pavarësinë e gjyqësorit. Me një letër..
Lideri i GERB-it, Bojko Borisov, deklaroi në korridoret e parlamentit se Bullgaria do të bëhet anëtare e eurozonës më 1 janar, pavarësisht protestave të organizuara nga përfaqësues të PP-DB. Ai komentoi thirrjet e opozitës për protesta kundër..
Kufijtë nuk mund të ndryshohen me forcë dhe siguria afatgjatë e Ukrainës duhet të garantohet. Këtë e deklaroi kryeministri Rosen Zheljazkov në një videokonferencë të “Koalicionit të të gatshmëve“, të udhëhequr nga presidenti i Francës, Emmanuel..
Vranësira
Vranësira
Vranësira të dendura