Avionë luftarakë gjermanë eskortuan një avion Boeing 737 të kompanisë ajrore Ryanair nga Sofja drejt Londrës, me 174 pasagjerë në bord. Incidenti ndodhi më 11 gusht. Eskortimi u krye pas marrjes së një alarmi në numrin emergjent 112 nga një qytetar, i cili deklaroi se në bord ndodhej një palestinez që kishte ndërmend të bënte "gjëra të këqija", raportoi agjencia BTA.
Qendra e Koordinimit e Aeroportit “Vasill Levski” në Sofje dhe Kontrolli i Trafikut Ajror u informuan menjëherë. Në atë moment, avioni ndodhej mbi territorin e Serbisë. Komandanti i fluturimit dhe kompania ajrore vendosën të mos bëjnë ulje emergjente, por të vazhdojnë fluturimin drejt Londrës.
Masa shtesë sigurie janë futur me vendim të Shtabit të Krizave të Aeroportit “Vasill Levski”, njoftoi Zëvendëskryeministri dhe Ministri i Transportit dhe Komunikacioneve Grozdan Karaxhov në përgjigje të një hetimi të BTA-së.
U konfirmua se personi që dha alarmin ishte një shtetas bullgar nga Plovdivi. Ish-bashkëshortja e tij dhe dy vajzat e tyre po udhëtonin me avionin. Gjatë kontrollit nga Policia Kufitare, u konstatua se në bord nuk kishte shtetas palestinezë apo pakistanezë.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA-arkiv
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..
Reshje
Vranësira
Reshje intensive