“Banorët eqyteteve Veliko Tërnovo dhe Gabrovo e meritojnë të jenë kandidatura fituese për Kryeqytetin e ardhshëm Evropian të Kulturës në Bullgari, për vitin 2032”, deklaroi kryetari i bashkisë së qytetit historik Veliko Tërnovo, Daniell Panov. Ideja për një kandidaturë të përbashkët lindi me nismën e krijuesve dhe intelektualëve nga Veliko Tërnovo.

Qyteti nisi përgatitjet që nga viti i kaluar, dhe në fund të shkurtit 2025, Këshilli Bashkiak miratoi unanimisht propozimin për t'u përfshirë në konkurrim. “Fqinjët tanë nga Gabrovo janë shumë më përpara në përgatitje – ata tashmë regjistruan fondacionin bashkiak të nevojshëm, dhe Komuna angazhoi një ekip prej tre ekspertësh të pavarur kulturorë, klientë të të cilëve ishin 11 nga 13 qytetet e fundit që morën titullin”, shtoi Panov.

Të dy qytetet u përfshin në këtë garë prestigjioze në vitin 2014, por pa sukses. Tani, shanset janë më të mëdha, mjafton që Gabrovo të pranojë dorën e shtrirë për bashkëpunim. Mundësia që dy apo madje edhe tre qytete të ndajnë titullin Kryeqytet Evropian i Kulturës nuk është një precedent. Një shembull i tillë janë fituesit aktualë – Khemnic (Gjermani) dhe qytetet binjake kufitare Goricë (Itali) dhe Nova Goricë (Slloveni), të cilët mbajnë bashkë titullin për vitin 2025. Ndërsa në vitin 2019, Plovdiv u bë kryeqyteti i parë evropian i kulturës nga Bullgaria, së bashku me qytetin italian Matera.

Vendimi se cili qytet do të caktohet si Kryeqytet Evropian merret 6 vjet para vitit në të cilin qyteti e merr këtë privilegj.

Lexoni më shumë mbi temën në arkivin e Radio Bulgarisë:

• Qytetet bullgare nisin garën për Kryeqytetin Evropian të Kulturës 2032

• Veliko Tërnovo - një qytet i lashtë dhe i ri

• Muzeu i Arsimit në Gabrovo me mision iluminist ndër bullgarët bashkëkohorë

Përpiloi: Joan Kolev

Përgatiti në shqip dhe publikoi: Svetllana Dimitrova

Foto: eliko-tarnovo.bg, gabrovo.bg