Në lidhje me shpalljen e kandidaturës së përbashkët të qyteteve bullgare Gabrovo dhe Veliko Tërnovo për të qenë Kryeqyteti Evropian i Kulturës në vitin 2032, banorët e Gabrovos prezantojnë vlerat e përbashkëta kulturore të të dy qyteteve në disa koncerte me muzikën dixi. Me ta do të vihet fillimi i edicionit të parë të Javës Ndërkombëtare të Xhazit (Swing Dixie Week – Gabrovo). Ky festival i muzikës xhaz hapet më 25 gusht dhe do të zgjasë deri më 28 gusht.
Ngjarja do të theksojë rolin e Gabrovos në traditën vendase të xhazit, falë kontributit të muzikantit të shquar Manoll Cokov, i cili themeloi në Gabrovo klubin e parë të xhazit pas luftës në vend, para 60 vitesh, si dhe Paradën Ndërkombëtare të Diksilendit në vitin 1983.

Java Ndërkombëtare e Xhazit në Gabrovo do të mbyllet nga Stigma Swing Dixie Band (Greqi). Zhvillimi i këtij grupi është i lidhur ngushtë me qytetin dhe me Manoll Cokovin që nga vitet 80- të të shekullit të kaluar, kur muzikanti bullgar frymëzoi kolegët e tij grekë dhe i çoi në botën e muzikës dixieland. Pas një partneriteti dhe miqësie shumëvjeçare, tashmë muzikantët do të nderojnë mentorin e tyre.
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto:Facebook/ Stigma Sdband
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..