Me 128 vota "pro", 56 "kundër" dhe 6 "abstenime", Asambleja Kombëtare zgjodhi Kryetaren e Komisionit për Mbrojtjen e Konsumatorit, Maria Filipova, si Zëvendës Avokate të Popullit të Republikës së Bullgarisë. Filipova mori mbështetjen e deputetëve nga GERB-SDS, "DPS-Fillim i Ri", BSP, ITN dhe katër jo-anëtarëve të një grupi parlamentar. PP-DB, MEÇ dhe "Veliçie" ishin kundër. Deputetët nga APS ishin të ndarë - gjashtë ishin kundër dhe gjashtë abstenuan. "Vëzrazhdane" nuk mori pjesë në votim, raportoi gazetarja Maria Fileva.
Pozicioni i Zëvendës Avokatit të Popullit është në listën e personave nga të cilët presidenti mund të zgjedhë kryeministër të një qeverie të përkohshme në rast të zgjedhjeve të parakohshme. Dyshimet se ky është pikërisht qëllimi i emërimit të Filipovës janë bërë kritika kryesore e opozitës kundër zgjedhjes së saj. "Lindet pyetja e qartë se pse një person me një rritje logjike në karrierë, 15 vjet përvojë, papritmas bën këtë veprim të dëshpëruar - largohet nga një komision të cilin e kryeson dhe i cili ka kompetenca të mëdha, dhe bëhet zëvendës avokat i popullit. Përgjigja e vetme logjike është se ajo është përfshirë në listën e kandidatëve të mundshëm për kryeministër në detyrë, komentoi Manoll Pejkov nga PP-DB.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA
Qyteti i dytë më i madh në Bullgari Plovdiv do të ofrojë koncerte, pazare dhe një park akulli për festat e Krishtlindjeve dhe të Vitit të Ri për qytetarët dhe mysafirët e tij, njoftoi bashkia. Tradicionalisht, kryetari i bashkisë Kostadin..
Të enjten , temperaturat minimale do të jenë nga 3 deri në 19°, në lindje deri në 15-19°, ndërsa në Sofje do të jetë rreth 6°. Gjatë ditës do të jetë me re dhe me shi. Shira të konsiderueshëm do të ketë që gjatë natës në Bullgarinë Perëndimore,..
Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e..