Tarifat e vendosura nga administrata e Presidentit Donald Trump në SHBA mbi mallrat evropiane do të kenë një efekt të drejtpërdrejtë dhe të tërthortë në eksportet bullgare. Efekti i drejtpërdrejtë i llogaritur nga Ministria e Ekonomisë dhe Industrisë arrin në 468 milionë euro, dhe efekti i tërthortë pritet të arrijë në 158 milionë euro. Këto të dhëna u prezantuan nga Ministri i Ekonomisë dhe Industrisë, Petër Dillov, gjatë seancës së tij dëgjimore në Komisionin parlamentar për Ekonomi dhe Inovacion. Parashikimet u bënë në bashkëpunim me Akademinë Bullgare të Shkencave, raportoi BTA.

Dillov saktësoi se ministria po planifikon një numër masash për të mbështetur biznesin. Masa të tilla përfshijnë përgatitjen e analizave dhe informacionit, sepse, sipas ministrit, jo të gjitha kompanitë kryejnë një analizë të riskut për shkallën e ndikimit. Masa të tjera përfshijnë mbajtjen e një dialogu aktiv me organizatat e industrisë, promovimin e eksporteve në tregje alternative brenda dhe jashtë Evropës, dhe forcimin e rolit të Shërbimeve të Marrëdhënieve Tregtare dhe Ekonomike në hapjen e mundësive të reja.

Lexoni më shumë në arkivin e Radio Bullgarisë:

• Biznesi bullgar pret një rënie prej 5 deri në 30% për shkak të tarifave të reja amerikane

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA