Stara Zagora po pret Festivalin e parë të Rrugës U.L.I.C.A. – Street Fest, njoftuan organizatorët nga ndërmarrja komunale “Art Skena”. Eventi do të zhvillohet gjatë fundjavës në pjesën për këmbësorë të bulevardit “Car Simeon Veliki” (“Mbreti Simeon i Madh”).
“Po ua dhurojmë fundjavën para ditës së parë të shkollës të rinjve. Le t’i thonë lamtumirë verës me humor të mirë – këtu, në Stara Zagora, në Ulica (Rrugë), duke u argëtuar, duke bërë miq të rinj dhe duke u zhytur në atmosferën shumëngjyrëshe të festivalit”, tha drejtori i “Art Skena”, Prof. Genko Geshev.
Festivali do të fillojë me një pazar U.L.I.C.A., i cili do të prezantojë produkte të artistëve dhe artizanëve nga i gjithë vendi. Në të njëjtën kohë, në hapësirën pranë Muzeut të Feve, Muzeu Rajonal i Historisë në Stara Zagora po organizon një seminar kaligrafie, ku të rinjtë dhe të moshuarit do të jenë në gjendje të shkruajnë me stilolaps dhe bojë.
Programi përfshin gjithashtu një shfaqje për fëmijë, spektakle, koncerte, një seancë stërvitore në mëngjes në natyrë me klubin për sporte luftarake “Atila” dhe do të përfundojë me një shfaqje dritash.
Redaktoi: Diana Cankova
Përgatiti në shqip dhe publikoi: Vesella Mançeva
Foto: Facebook/Art Skena - Stara Zagora
Bordi Ekzekutiv i Fondit Monetar Ndërkombëtar (FMN) ka përfunduar Konsultimin mbi nenin IV për Bullgarinë në vitin 2025. Sipas procedurës për vlerësime dhe rekomandime për vendet anëtare të FMN-së, thuhet se kërkesa e brendshme vazhdon të nxisë..
Sot, 25 nëntor, në shumë qytete bullgare do të zhvillohen marshime nën sloganin "Asnjë më shumë" me rastin e Ditës Ndërkombëtare për Eliminimin e Dhunës ndaj Grave. Fondi Bullgar për Gratë gjithashtu do t'i bashkohet marshimeve. Fondi tregon se në..
Bullgaria renditet e 11-ta në indeksin global të këtij viti të kompanisë Surfshark - "Cilësia Dixhitale e Jetës 2025" (DQL), duke u ngjitur nga pozicioni i 18-të. Indeksi synon të studiojë dhe ndjekë mirëqenien dixhitale të vendeve në pesë fusha:..