Partia “Ka një popull të tillë” (ITN), pjesë e koalicionit qeverisës, kërkoi me një deklaratë në parlament që qeveria të ndërmarrë masa konkrete për integrimin real të refugjatëve ukrainas në vend. Partia kërkon që policia të përforcojë kontrollin mbi sigurimet e automjeteve me targa të huaja dhe të ndëshkojë çdo shkelje të tyre. Po ashtu, insiston që organet kontrolluese të verifikojnë çdo aktivitet tregtar të paligjshëm dhe brenda disa ditësh të paraqitet një raport për shpenzimet e fondeve publike për refugjatët, “sepse solidariteti nuk do të thotë mungesë kontrolli, dhe ndihma nuk do të thotë paqëndrueshmëri ligjore”, thuhet në deklaratë. Në dokument theksohet se “në vend të integrimit dhe përfshirjes së refugjatëve ukrainas në shoqëri, po shohim komunitete të mbyllura që punojnë në ekonominë gri, ndërsa sipërmarrësi bullgar kalon përmes procedurave të ndërlikuara ligjore”, raporton BTA.