Të premten, temperaturat minimale do të jenë nga 6 deri në 11°, në Sofje - 7°. Në orët e mëngjesit, do të ketë mjegull ose vranësira të ulëta në vende të ndryshme në Fushën e Danubit dhe në pjesën perëndimore të Ultësirës së Epërme Trake. Gjatë ditës, do të jetë me vranësira në pjesën më të madhe të vendit. Pas mesditës, do të fillojë të bjerë shi në Bullgarinë Perëndimore, në malet mbi 2000 metra – borë.

Natën e së premtes drejt së shtunës, reshjet do të mbulojnë edhe rajonet qendrore të vendit. Temperaturat maksimale do të jenë nga 13 deri në 18°, në kryeqytet do të jenë rreth 13°.

Gradualisht do të bëhet me vranësira përgjatë bregdetit të Detit të Zi, më së voni mbi bregdetin verior. Në orët e mëngjesit, do të ketë mjegull, ose dukshmëri të reduktuar në disa vende. Temperaturat maksimale të ajrit do të jenë midis 16-19°. Uji në det është 17-20°. Dallgëzimi i detit do të jetë 3 ballë.

Vranësirat do të rriten në male. Pas mesditës, në masivet e Bullgarisë Perëndimore do të fillojnë reshjet e shiut, ndërsa mbi 2000 metra mbidetare do të ketë reshje bore. Temperatura maksimale në lartësinë 1200 m do të jetë rreth 11°, në 2000 m rreth 3°.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA