Të martën, temperaturat minimale do të lëvzin nga 8 deri në 13°, ndërsa në Sofje do të jenë rreth 9°. Gjatë ditës reshjet do të përfshijnë gjithë vendin, dhe më të dendura do të jenë në rajonet verilindore dhe në Bullgarinë Qendrore. Pas mesditës, reshjet do të ndalen nga perëndimi. Në perëndim vranësirat do të shpërndahen dhe do të zvogëlohen. Në të gjithë vendin do të fryjë erë deri në mesatare, ndërsa në Rrafshinën e Danubit dhe në Ultësirën e Trakisë së Sipërme, herë pas here do të jetë e fortë, me drejtim nga perëndimi-veriperëndimi. Do të depërtojë ajër relativisht i ftohtë. Temperaturat maksimale do të jenë nga 10 deri në 15°, në kryeqytet rreth 11°.

Në bregdetin e Detit të Zi do të jetë me re dhe reshje shiu. Temperaturat maksimale të ajrit do të jenë 15–17°, ndërsa ajo e ujit të detit 16–17°. Dallgëzimi do të jetë rreth 2 ballë.

Në malet do të jetë me re. Në shumë zona do të ketë reshje shiu, ndërsa mbi 1800 m mbi nivelin e detit edhe reshje dëbore. Reshjet më të vazhdueshme dhe më të dendura do të jenë në pjesët qendrore dhe lindore të malit Stara Pllanina. Do të fryjë erë e fortë, ndërsa në majat më të larta edhe erë e stuhishme nga veriu-veriperëndimi. Temperatura maksimale në lartësi 1200 m mbi nivelin e detit do të jetë rreth 10°, ndërsa në 2000 m rreth 4°.

Të mërkurën, mundësia për reshje do të ulet. Në Bullgarinë Perëndimore do të mbizotërojë moti i kthjellët, ndërsa në lindje vranësirat do të jenë të shpërndara. Era nga veriperëndimi do të dobësohet. Temperaturat minimale do të ulen pak, ndërsa ato ditore do të jenë pak më të larta.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: Pixabay