Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Mënyra më fisnike”

Në Riga prezantohet një ekspozitë me rastin e 140-vjetorit të Bashkimit të Bullgarisë

Foto: Iskra Boneva

Në kryeqytetin e Letonisë, Riga, është paraqitur një ekspozitë e posaçme e dedikuar 140-vjetorit të Bashkimit të Principatës së Bullgarisë me Rumelinë Lindore.

“Mënyra më fisnike” është motoja e Bashkimit të Bullgarisë në vitin 1885, i cili u realizua në emër të bashkimit kombëtar, pavarësisht vështirësive dhe rreziqeve të mëdha – kujton në një njoftim për Radio Bullgarinë znj. Iskra Boneva, anëtare e Shoqatës Kulturore Letonezo-Bullgare “Kirill dhe Metodij” në Riga, e cila ia kushton një pjesë të madhe të kohës së saj të lirë ruajtjes së trashëgimisë kulturore materiale dhe jomateriale të komunitetit bullgar në Letoni.

“Letonia është një shtet i vogël, rreth 2 milionë banorë, dhe për këtë arsye edhe komuniteti bullgar është relativisht i vogël. Në vitin 2014 kishte mbi 1000 bullgarë, ndërsa tani janë më pak se 800. Pra, tendenca e zvogëlimit të numrit të bullgarëve është e njëjtë si në Bullgari. Në një komunitet kaq të vogël është i nevojshëm mobilizim shumë i madh, sepse në komunitetet më të mëdha është shumë më e lehtë të gjesh bashkëmendimtarë” – tregoi Iskra Boneva në një intervistë për Radio Bullgarinë.

Ekspozita në Riga, e hapur zyrtarisht më 6 nëntor, paraqet momentet kyçe të Bashkimit të Principatës së Bullgarisë me Rumelinë Lindore përmes 20 paneleve që përmbajnë fotografi, piktura dhe citate nga veprat e klasikëve tanë. Ajo tregon për dinjitetin, unitetin dhe heroizmin e shfaqur nga populli bullgar gjatë përgatitjes dhe realizimit të kësaj ngjarjeje të rëndësishme për vendin.
Ekspozita është organizuar nga Shoqata Kulturore Letonezo-Bullgare “Kirill dhe Metodij”, në bashkëpunim me Muzeun Historik Rajonal të Plovdivit, dhe mund të vizitohet deri më 30 nëntor 2025, në Katin e Dytë të Shtëpisë së Organizatave Joqeveritare (NVO nams), Ieriķu iela 43a, në Riga.

Përpiloi: Elena Karkallanova

Përgatiti në shqip dhe publikoi: Kostandina Bello

Foto: Iskra Boneva



Последвайте ни и в Google News Showcase, за да научите най-важното от деня!

Më shumë nga rubrika

Vivia Niki dhe projekti i saj i ri unik artistik

Artistja dhe arkitektja bullgare, Vivia Niki, prezantoi veprën e saj të re land art – një qiri gjigant tre-dimensional, i vizatuar në një livadh mes pyjeve të malit Pllana, i cili duket sikur lëviz dhe merr jetë vetëm nga një kënd i caktuar, kur shihet nga..

botuar më 25-11-16 7.15.PD

Nata e Teatrove në 11 qytete të Bullgarisë

Teatrot në Bullgari tashmë po i numërojnë orët deri në ngritjen e perdes së edicionit të 13-të të Natës së Teatrove. Mbrëmja emocionuese do t’i shndërrojë skenat në 11 qytete bullgare në një festë të vërtetë të artit. Këtë vit iniciativa vjen me..

botuar më 25-11-15 8.15.PD
Nikollaj Gjaurov /1929 - 2004/

Një pllakë përkujtimore në Modena të Italisë përkujton basin e famshëm Nikollaj Gjaurov

Pesë vjet më parë /11 nëntor 2020/ në Modena të Italisë u përurua një pllakë përkujtimore kushtuar basit të famshëm botëror bullgar Nikollaj Gjaurov /1929 - 2004/. Ishte në këtë qytet italian që këngëtari ynë i shquar i operës jetoi dhe punoi nga..

botuar më 25-11-11 5.05.PD