Magjistratët - gjyqtarë, prokurorë dhe hetues, si dhe punonjës të drejtësisë dolën para gjykatës në Sofje në mbështetje të prokurorit të përgjithëshëm Ivan Geshev, ndaj të cilit kishte tentativë më 1 maj. Para të gjitha dhomave të gjykatave në vend pati demonstrata mbështetjeje. Protestojmë kundër shembjes së shtetësisë, të cilën e kemi dëshmitar në dy vitet e fundit, tha për gazetarët zëvendësdrejtori i Hetimit Kombëtar Jasen Todorov. “Në praktikë, gjyqësori dhe prokuroria mbetën ishujt e fundit të këtij shteti”, shtoi ai. Qëndrimin e tij e shprehu edhe Këshilli i Lartë Gjyqësor. Kryetarët e Kolegjit Gjyqësor dhe të Prokurorisë në këshill deklaruan mbështetjen e tyre për prokurorin e përgjithshëm.

“Falënderoj kryeprokurorët e të gjitha vendeve që e mbështetën prokurorinë bullgare. Admirime për të gjithë kolegët, magjistratët nga i gjithë vendi, që sot treguan unitet dhe mbrojtën pavarësinë e gjyqësorit!” Kështu ka shkruar në Twitter Prokurori i Përgjithshëm Ivan Geshev një ditë pas tentativës ndaj tij.